Убиените во Буча биле со врзани раце, умреле клекнати, застрелани во задниот дел од главата, велат сведоци

Носејќи ракавици и маска за лице, Сергеј Матујк доживеа неопислив хорор во последниот месец. Како што пишува „Скај њуз“, неговата работа е да ги закопува телата во украинскиот град Буча, каде што се појавија докази за можни воени злосторства од страна на руските сили.

„ Тие се курви“, изјави тој за „Скај њуз“, стоејќи покрај големо бело комбе, чекајќи уште пет мажи да ги натоварат телата во задниот дел.

Крвавите тела – четворица од нив со врзани раце зад грб, сите насилно убиени – беа пронајдени во подрумот на детскиот камп што беше додека руските сили не го претворија во привремена база.

„ Руските војници и нивниот претседател се тирани“, рече Матујк, додавајќи: „Кој се согласил и ја водел оваа војна – тие се нехумани“.

Телата на околу 300 цивили се пронајдени во Буча откако руските трупи ја презедоа контролата врз градот, на околу 16 милји северозападно од Киев, во раните денови на инвазијата, рече Матујк, додавајќи дека сигурно ќе бидат откриени уште тела. Најголем дел од жртвите биле мажи, но според она што го видел, проценил дека околу 30% се жени и деца.

„ За време на најлошото гранатирање, имаше многу тела и ги закопавме во масовни гробници“, рече тој.

„ Беше застрашувачко да се работи во воена зона, но вели: „Навикнати сме да собираме тела под гранатирање“.

Руските трупи конечно се повлекоа од Буча пред околу четири дена како дел од поширокото повлекување од целиот регион на Киев. Но, кога украинските сили се вратија во градот, најдоа тела оставени на улиците и во подрумите.

Sky’s @HaynesDeborah speaks to Serhij Matuyk, whose job is to retrieve and bury bodies in the Ukrainian town of Bucha where evidence has emerged of possible war crimes by Russian forces https://t.co/e4lT44l4yy

— Sky News (@SkyNews) April 5, 2022

Запрашан дали има знаци на тортура на некои од телата, Матујк рече: „ Да, се разбира. На пример, во неделата, на 20 од 30 луѓе им беа врзани рацете. Умреле клекнати, застрелани во задниот дел од главата. Ги собравме и телата на загинатите додека возеле велосипеди од улиците. Секој што бил надвор, возел или одел бил систематски убиен. Тоа е ужасно. Сега сум навикнат на ова, но на почетокот ме шокираше“.

Ukrainian MP Oleksiy Goncharenko filmed this video at the site of a mass grave in Bucha.

WARNING: This video shows body bags in a mass grave.

Read more here: https://t.co/D7HUE25k4b pic.twitter.com/8LtDOu8pns

— Sky News (@SkyNews) April 5, 2022

Русија негира одговорност за убиство на кој било цивил во Буча. Меѓутоа, во друг дел од градот, една жителка за „Скај њуз“ изјавила дека таа лично сведочела дека руски војник убил еден од нејзините соседи.