пред 4 години Швајцарскиот регулатор на лекови, ја одобри вакцината „Џонсон и Џонсон“ против Ковид-19, изјави денеска портпаролот на агенцијата, со што во земјата досега одобрени се три вакцини: „Џонсон и Џонсон“, „Фајзер/Бионтек“ и „Модерна“.
Швајцарија сè уште не нарачала од вакцината.
„Џонсон и Џонсон“ се прима само во една доза, а досега е одобрена во САД, Канада и ЕУ.
Иако пратките за вакцини во САД се веќе почнати, Европа вакцината ќе ја добие дури во вториот квартал.
Глобалното истражување на „Џонсон и Џонсон“, спроведено на 44.000 луѓе, покажало дека вакцината е 66 проценти ефикасна во спречување на умерен до тежок вид на коронавирус, четири недели по вакцинацијата. Вакцината е 100 проценти ефикасна во спречување на хоспитализација и смрт.
Швајцарија нема да ја нарача вакцината веднаш, бидејќи верува дека веројатно нема да може да ја добие, поради потешкотии во снабдувањето.
До денес, Швајцарија примила 1,38 милиони дози вакцини на „Фајзер“ и „Модерна“, а искористени се 1,34 милиони, соопшти Федералното Министерство за здравство. Околу 433.000 луѓе ги примија двете дози.
Би можело да ве интересира
Исчезнатата американска актерка пронајдена мртва
Новата руска вакцина „спутник лајт“ во употреба за три недели, нејзината ефикасност изнесува околу 80 проценти
(Видео) Познато е каде на Земјата можат да паднат делови од кинеската ракета
Јужна Африка е првата земја која почна да ја користи вакцината на „Џонсон и Џонсон“
Мицотакис утре ќе соопшти дополнителни мерки за Грците
Во Србија 341 новозаразен и еден починат од Ковид-19
