(Видео) Снежно торнадо снимено во Грција

Снежната покривка во текот на минатата ноќ ја покри грчката престолнина Атина правејќи застој во воздушниот и патниот сообраќај. Во неколку области е прогласена вонредна состојба, а на интернет се појавија и видеа од снежно торнадо во Андрос Стениесу.

Најдраматично е на автопатот Атика одос, обиколницата околу Атина, која е поврзана со аеродромот. Стотина возила се заглавени на оваа обиколница, пренесе грчкиот портал „Катимерини“.

Спасувачките екипи се на терен и цела вечер работеа на ослободување на стотината возачи што беа затекнати за време на бурата. И „Ројтерс“ пренесе за невремето и за дебелиот слој снег што ја покри речиси цела Атина.

Во спасувачката акција биле вклучени и едници од копнената војска со тешка механизација и санитетски возила. Грчкиот министер за климатска криза и цивилна заштита, Христос Стилијаидес, за ваквата ситуација ги обвини компаниите задолжени за оваа сообраќајница објаснувајќи дека нејзините челници на повеќе состаноци ги убедувале претставниците на владата дека имаат доволно опрема за да го остават патот отворен за сообраќај.

Η κίνηση του υδροσίφωνα στις Στενιές Άνδρου όπως καταγράφηκε από κάμερα καιρού!#κακοκαιρια #ελπις pic.twitter.com/eRt2KDwGD7

— meteo.gr – Ο καιρός (@meteogr) January 24, 2022

„Мислам дека мораме тука да утврдиме кој е одговорен. Тоа ќе му го предложам на премиерот“, рече Стилијаидес.

Грчките медиуми објавија видеа од војниците како им делат храна, вода и ќебиња на некои од возачите, додека температурата падна ниско во текот на ноќта. Петнаесетина лица биле повредени кога едно шинско возило се обидело да повлече воз со 200 патници, а кој заглавил во снегот во централна Грција. Двајца од повредените се во тешка состојба, рекоа полициските служби.

VIDEO: Freezing weather across southeastern Europe covers Greece’s ancient monuments in snow and halts flights at Turkey’s largest airport. By @ElenaBec

Full story: https://t.co/bxm1foJWPS pic.twitter.com/qzOE6deHlM

— AP Europe (@AP_Europe) January 24, 2022

Железничкиот и автобускиот сообраќај во Атина се запрени, а затворени се и објектите за вакцинација против коронавирусот во Атина и на островот Евија, соопштија здравствените служби. Државните училишта, продавниците и банките исто така се затворени. Службите во Грција најавија дека очекуваат студеното време да тра до утре.

GREECE: It’s a whiteout at the beach. Heavy snow blankets seaside towns and coastal areas today. pic.twitter.com/byKtOznXfr

— BBC Weather (@bbcweather) January 24, 2022

Thundersnow in Kifisia – Athens, Greece

Credit: metar. gr Facebook page. pic.twitter.com/JpOf8DWXDt

— Official Weather UK ☀️ (@OfficialWXUK) January 24, 2022