Доставувач за храна живеел со мумија стара 800 години и мислел дека му е девојка

Полицијата во Перу при претрес на доставувач за храна, во неговиот ладилник за пренос на храна пронашле древна мумија.

Тој раскажал дека долго време делел соба со мумијата и дека ја смета за своја духовна девојка. Мумијата била завиткана во завои во фетална положба, што е типично за многу претхиспанско погребување во областа.

Ја понел мумијата со себе за да им ја покаже на пријателите. Тој објаснил дека „Хуанита“, како што ја нарекол мумијата, ја чувал во кутија во својата соба, до телевизорот. Тој додал дека ја наследил од татко му.

Експертите велат дека мумијата е стара помеѓу 600 и 800 години и дека станува збор за останки на маж на возраст од околу 45 години, висок само 150 сантиметри.