Здравствен извештај на Штада за декември 2022 година – грижата за исхраната е темел на здравјето

Дека не се грижат доволно за исхраната признаваат 36 % граѓани на Србија, а од нив 43 % се жалат на лошо варење, горушица и други проблеми со варењето на храната, предупредува Здравственото истражување на компанијата Штада, кое опфатило над 30 000 испитаници во 15 земји, меѓу кои и Србија.

Во тек е сезоната на слави, а наскоро пристигнуваат и новогодишните и божиќните празници. Богатата трпеза со обилни вкусови, бои, мириси, носи радост, но обилните и калорични оброци можат да предизвикаат низа здравствени тегоби и да го расипат празничното расположение. Затоа е важно да имаме мерка, зашто нашиот стомак не ни го простува секогаш претерувањето, особено кога е во прашање мрсна и зачинета храна.

Во таа смисла предупредува и Здравственото истражување на Штада за 2022 година. Иако речиси ¾ од Европејците своите навики во однос на храната и пијалаците ги оценуваат како здрави, во исто време 46 % од нив се жалат на дигестивни тегоби. Лошото варење и горушицата најмногу ги мачат Полјаците (45 %) и граѓаните на Србија (43 %), но и Шпанците (41 %), додека сериозни хронични проблеми со системот за варење пријавуваат 4 % Европејци и 3 % граѓани ма Србија.

Жените се почувствителни на дигестивните тегоби

Резултатите од Здравственото истражување на Штада укажуваат дека жените во цела Европа се почувствителни во однос на проблемите со варењето. Дури 50 % од испитаниците истакнале дека постојано мора да водат сметка за видот и количеството на храна за да избегнат мачнина, надуеност, повраќање, проблеми со гасовите, како и појава на послаби или посилни болки во стомакот.

Здравата исхрана е сѐ повеќе IN кај граѓаните на Србија

За здравата исхрана најмногу се грижат Италијанците (87 %), Холанѓаните (84 %) и Французите (83 %).