Овие две намирници многумина редовно ги консумираат, а никој не е свесен дека го зголемуваат ризикот од рак на дебелото црево

Новите истражувања покажуваат дека конзумирањето на големи количини бел леб и алкохол е поврзано со поголем ризик од развој на рак на дебелото црево.

Исто така, најновите студии покажаа дека консумирањето повеќе влакна, калциум, магнезиум, фосфор и манган е поврзано со помал ризик.

Студијата, објавена во списанието „Nutrients“, го испитувала ризикот од рак на дебелото црево поврзан со внесот на 139 намирници и хранливи материи, анализирајќи податоци од повеќе од 118.000 пациенти.

Истражувачите од Медицинскиот факултет на Универзитетот Жеџијанг во Кина користеле податоци од британската Биобанка. Тие ги следеле испитаниците речиси 13 години и откриле 1.466 случаи на колоректален карцином за време на следењето.

„Тие открија дека испитаниците кои развиле рак на дебелото црево, или колоректален карцином, имаат поголема веројатност да имаат одредени карактеристики“, пишува „Medical News Today“.

„На пример, тие се со поголема веројатност да бидат постари, да имаат повисок индекс на телесна маса (БМИ) и да се занимаваат со пониски нивоа на физичка активност“.

Претходните студии ги поврзуваа здравствените ризици со прекумерното консумирање алкохол и бел леб.

Диететичарот Ерин Палински-Вејд, која не беше вклучена во студијата, изјави за „Фокс Њуз“:

„Овие резултати имаат смисла бидејќи исхраната богата со едноставни шеќери заедно со прекумерното консумирање алкохол може да го зголеми ризикот од рак, особено за оние кои носат зголемен генетски ризик за развој на рак“.

Сепак, се истакнува дека постојат неколку фактори кои го одредуваат ризикот од јадење. За една храна, како белиот леб, таа рече дека „нема да влијае или да го оштети вашето здравје“.

Наместо тоа, севкупниот квалитет на исхраната игра сè поголема улога со текот на времето.

„Фокс“ објави дека ракот на дебелото црево е трет најчест тип на рак кај возрасните во САД, според Американското здружение за рак. Оваа година се очекуваат околу 153.000 нови дијагнози, пишува „WebMD“.