пред 3 години Албумот „Голд“ на легендарните АББА, кој е компилацијата од нивните најголеми хитови, е прв албум во историјата кој останал 1.000 недели на британската топ-листа.
„Голд“ е објавен во 1992 година и вториот најпродаван албум во Велика Британија на сите времиња со 5,61 милион копии. Повеќе продадени примероци од него има албумот „Најголеми хитови“ на „Квин“.
Албумот на АББА помина 19 години и 12 недели на топ 100 листата. Низ годините, тој бил осум недели и на врвот на листата, а моментално се наоѓа на 17. место. Албумот е постојано во топ 100 од јули 2017 година.
Компилацијата беше составена девет години по распадот на АББА, откако повторно се врати интересот за нејзината музика, за што придонесе и миниалбумот на „Ирејжр“ со четири преработки од групата, кој одлично помина на топ-листите во САД и Европа.
Уште два албума наскоро ќе можат да го повторат историскиот успех на АББА: „Легенда“ на Боб Марли и „Вејлерс“ засега е 984 недели на листата, а „Најголеми хитови“ на „Квин“ е 952 недели.
Би можело да ве интересира
(Видео) Стоечки овации и редици фанови за автограм на турнејата на Владимир Четкар во Јужна Кореја
Светска премиера на филмот „Бизнисот на задоволството“ на Гоце Цветановскина во Флорида
(Фото) Пике продолжи да ја провоцира Шакира, прво носеше часовник Касио, а сега на работа дојде со Твинго
Наутро оди на факултет, попладне вози багер: Необичната приказна на студентката Јована Митровиќ
(Видео) Средношколци добија матурска забава на отворено
„Премногу сум богата за да го пушам тоа“ – низ животот на Витни Хјустон девет години по смртта
