пред 1 година Претпоследната нумера од проектот „Македонијо во срце те носиме“, е во изведба на Зуица Лазова, а станува збор за безвременска „Земјо мила“. Оригиналната верзија на „Земјо мила“ во далечната 1977 година на Скопскиот фестивал ја отпеа кумановецот Никола Давидовски – Коле, а нејзин комплетен автор е Јане Коџобашија. Давидовски ја пеел и во Јајце, на големите концерти на тогашната ЈНА во Белград, во тогашен Титоград, а ечела и кога дошол Тито во Скопје.
Коџабашија, кој инаку во својот музички опус има поголем број родољубиви песни, зашто, како што вели и самиот, има афинитет кон нив, „Земјо мила“ ја создал додека работел како новинар во тогашното Радио Скопје и имал 35 години. Во една прилика има изјавено дека можеби на фестивалот на кој била премиерно изведена не добиле награда, но тоа што „Земјо мила“ сѐ уште живее е најголемото признание.
„Чест ми е што сум дел од проектот „Македонијо во срце те носиме“, зашто Македонија е во срцето на секој Македонец. Песната „Земјо мила“ е преубав евергрин кој неправедно е помалку експониран, а ова е убава можност во ново руво да ја запознаат и засакаат и помладите генерации. Со песна македонскиот народ опстојувал со векови, па така ќе биде и понатаму зашто нашиот фолклор е наша лична карта и идентитет“, вели Зуица.
Би можело да ве интересира
Почина Мартин Амис еден од најславните британски писатели
Најбогатиот Украинец, Ринат Ахметов вети дека ќе го обнови Мариупол
Го тужел шефот затоа што му било досадно на работа и сега ќе добие оштета од 40.000 евра
Четири типа љубовни парови -кој од нив завршува со брак
Хороскоп за 10 февруари: Лавот измислува причини за незадоволство, тежок ден за водолијата
Хрвоје Хорват за нов ракометен селектор на Хрватска
