(Видео) Мамо не плачи ако загинам, сè ќе направам за нашата мила земја, украински војник со песна замина да се бори на фронтот

На социјалните мрежи се шири видео од украински војник кој со песна замина да се бори на фронтот против Русите. Засега не е познат индентитетот на војникот ниту пак местото каде се наоѓа. Песната се вика „Браќа Украинци“.

„Браќа Украинци. Сакајте ги моите деца, мила мајка и татко. Јас одам во војна да ја чувам нашата земја. Не плачете за мене ако загинам. Сè ќе дадам за нашата сакана Украина. Да се здружиме браќа во раните часови. Нека знае ѓаволот дека сме за Украина. На Бог ќе му ја дадеме нашата душа. За нашата земја Света Украина. Ние сме за тие карпи, шуми и гори. За широките полиња и Црното море, за Небесното друштво, за братот Тарас, за нашата слобода ќе ги надвладееме убијците. Со нас е светата вера, со нас е Господ и правдата. И ние сме против тоа брат да оди против брат. Ако војната ни дојде тогаш пазете се. Нас ништо нема да не спречи. Слава ѝ на Украина. Не плачете ако загинам на полето. Сè ќе дадам за нашата сакана Украина“.