(Видео) Хедер Локлер стои на работ на зграда и збори самата со себе

Ѕвездата од „Династија“ и „Мелроуз Плејс“ Хедер Локлир е снимена на работ на една од зградите во Малибу, Калифорнија. Некогаш најубавата актерка во Холивуд е видена како чудно се однесува низ улиците, а „Дејли мејл“ пренесе дека се качила на зградата по состанокот со вереникот и бивши тркач на мотоцикли Крис Хајзер.

Откако ја оставил, Хедер седнала на скалите и почнала да зборува самата со себе, правејќи чудни гестови. Потоа почнала да чекори по работ на зградата со апостолки, држејќи се за столбовите. Изгледала збунето и гневно, а нејзините пријатели велат дека повторно почнала да пие.

Фановите се загрижени за глумицата, особено што во последните неколку години целосно беше деформирана поради големиот број естетски зафати. Денес не личи на себе од тоа што беше велат тие.

За потсетување, глумицата долг период имаше и проблеми со алкохолот и одењето на рехабилитација. За целиот тој период Крис и ќерка ѝ Ава и беа најголемите поддржувачи во борбата со зависноста.

Имаше проблеми и со насилство предизвикано од алкохол, а во 2018 година се степа со Крис, па што интервенираше и полицијата. Им се закануваше и на полицајците дека ќе ги нападне со оружјето што го чува во куќата, но брзо било утврдено дека истто го нема.

Ја нападна и мајка си додека била во пијана состојба, а се возела и под дејство на алкохол, поради што била приведена. Освен алкохол, некои се сомневаат дека користела и дрога.

Најпозната е по улогата на Семи Џо Карингтон во сапунската опера „Династија“, која се емитуваше во 80-тите. Нејзините лични проблеми влијаеле и на нејзиниот успех на работа, па во последната деценија се појавува само во некои епизодни улоги во малобуџетни серии. Некогаш беше една од најплатените актерки и манекенки, чие богатство се проценуваше на повеќе од 20 милиони долари.

Инаку, актерката зад себе има два брака, со тапанарот Томи Ли, кој траеше седум години и со гитаристот Ричи Самбора, кој издржа 13 години и со кој доби ќерка. Исто така, таа беше свршена во 2011 година со актерот Џек Вагнер.