пред 3 години Англискиот град Ливерпул вчера беше избришан од списокот на светско културно наследство на УНЕСКО поради новоградбите кои ја нарушуваат привлечноста на пристаништата од викторијанската ера, со што влезе во историјата како трет град кој отстранет од оваа престижна листа.
Ливерпул беше вклучен во списокот во 2004 година, а во образложението на Комитетот за светско наследство на УНЕСКО се наведува дека современите градби ја нарушуваат „автентичноста и интегритетот на градот“, пренесуваат странските медиуми.
Градот беше вклучен во списокот поради неговата улога како едно од најважните пристаништа во текот на 18 и 19 век и неговата единствена архитектонска убавина. Градоначалничката на Ливерпул, Џоан Андерсон изјави дека за неа е несфатлива одлуката да се отстрани Ливерпул од списокот и дека таа ќе се жали на одлуката.
„Јас сум крајно разочарана и загрижена. Нашето светско наследство никогаш не било во подобра состојба, бидејќи има корист од стотици милиони фунти инвестиции“, рече таа.
Освен Ливерпул, единствени кои се отстранети од списокот се Аман во 2007 година и долината Дрезден Елбе во 2009 година поради изградба на мостови на таа река.
Би можело да ве интересира
Дино Мерлин се очекува да си замине од Белград со најмалку 3 милиони евра заработка
Тони Цетински е осомничен дека извадил лажна ковид потврда
Македонскиот филм „Проблемот на Тина” е најдобар на фестивал во Турција
(Видео) Маж претепал дете на улица затоа што му ѕвонело на домофон
По 15 години Мајкл Карик си замина од Манчестер Јунајтед
„Си-ен-ен“: Трамп е свесен за поразот, но се одмаздува на демократите заради истрагата со руското мешање
