пред 2 години Утревечер во МКЦ парк кино ќе се одржи премиера на краткометражниот игран филм „Синиот час“ по сценарио и во режија на Ана Јакимска. Премиерата е закажана за 21 часот во рамките на Фестивалот на европски филм „Синедејс“.
„Синиот час“ е приказна за Петра, девојка од мало провинциски град, која живее и работи во Скопје каде успеала да се избори за своето место, да се
интегрира во урбаната средина и да се реализира на професионален план. Во обид да ги оствари своите соништа за иднината и на љубовен план, за време на
предновогодишната забава во компанијата во која работи, таа се впушта во романтична авантура со колегата кој ѝ се допаѓа. Во исто време во посета ѝ доаѓа нејзината мајка. Ова совпаѓање на настаните го става на тест односот помеѓу мајката и ќерката. Преку нивниот однос и внатрешните превирања на Петра, филмот го отсликува и судирот помеѓу два различни концепта на живеење, модерните текови на животот во Скопје и конзервативните убедувања на луѓето доселени од внатрешноста на земјата во транзициските 90-ти години од минатиот век.
Улогите ги толкуваат Наташа Петровиќ, Жаклина Стевковска, Дарко Набаков и Тамара Ристоска.
Би можело да ве интересира
Идеи како да ја уредите собата за близнаци
Божиќен концерт на плоштадот во Скопје со Антониа, Ламбе, Златно славејче, Димитар и Пере
По две децении завршува шоуто на Елен Деџенерис, сите светски ѕвезди поминаа во студиото на славната водителка
(Фото) Карлеуша му се слече скроз гола на Кајне Вест откако ја заследи на Инстаграм
Британец ја натепал девојката оти кажала дека нејзиниот поранешен дечко е позгоден од Роналдо
„На Инстаграм нема дечко“, – Јелена Розга за љубовниот живот
