пред 3 години Судот во Њујорк по трет пат го одби барањето на Жислен Максвел за да и се одобри кауција и да биде пуштена да се брани на слобода, пренесуваат американските медиуми.
Судијата Елисон Натахан, изјавила дека е загрижена дека Жислен нема да се појави на судењето и покрај притисоците на нејзините адвокати. По оваа одлука, Максвел ќе остане зад решетки до јули, кога почнува судењето.
Според судијата Елисон, историското однесување на Максвел, наведува на заклучок дека постои ризик да побегне.
Максвел нудела недвижнини и пари во износ од неколку милиони долари, за да биде ослободена да се брани од слобода. Во третото барање за одредување на кауција, таа дури и навела дека е подготвена да се одрече од своето француско и британско државјанство и да го задржи само американското.
Нејзините адвокати во неколку интервјуа за медиумите, ги опишаа условите во затворот во Бруклин, каде што таа престојува, како нехумани.
Интересно е дека во првото барање за кауција, таа навела дека поседува имот од неколку милиони долари. Во второто барање, како што пренесува „Дејли Мејл“, вредноста на имотот е зголемено на 28,5 милиони долари.
Во образложението на судот е наведено дека бројни докази, тешки обвинувања, случаи со апсења, биле причина за ваквата одлука. Максвел е уапсена на 2. јули минатата година под обвинувањето дека учествувала во трговија со малолетни девојки.
Максвел му била љубовница на педофилот и милијардер Џефри Епштајн, кој беше пронајден мртов во затворска ќелија на Менхетен на 10. август 2019 година. Епштајн наводно извршил самоубиство, а медиумите шпекулираат дека тој имал видео снимка од Бил Клинтон, Доналд Трамп, британскиот принц Ендру, Вуди Ален и бројни познати личности, како имаат секс со малолетни девојчиња.
Би можело да ве интересира
Тања и Новица го откажаа настапот за 8.септември: Ни кажаа дека е концерт за фолк емисија, а не настан за партиски цели
(Видео) Дечко и девојка од Далас се венчаа на полувреме од НБА натпревар
Конзерва со лосос за батлер на кралското семејство, подарок од Чарлс за Божиќ
(Видео) Илон Маск го донесе синот на работа, а тој му го украде шоуто на состанокот
На Американец му го вратиле изгубениот паричник од пред 50 години на Антартокот
Бред Пит го промовираше розовиот шампањ што го произведе со Анџелина Џоли
