Point Retail Park прославува 2 години

Првиот малопродажен парк во Македонија – Point Retail Park оваа недела прославува 2 години од своето постоење и тој повод ќе го одбележи со низа активности.

Од трговскиот центар најавуваат тридневен шопинг фестивал од 16 до 18 Јули, на кој сите љубители на шопингот ќе можат да ги искористат големите попусти и да купуваат во продавниците на своите омилени брендови по пониски цени. Покрај попустите, роденденската програма опфаќа забавни активности за најмалите со суперхерои и музички бендови за возрасните.

Откако ги отвори своите врати пред 2 години, овој трговски центар направи вистинска револуција во шопинг искуството со концептот “шопинг на раат“, кој нуди бесплатен паркинг, едноставен пристап, одлична понуда од брендовите за широка потрошувачка, како и гастрономска понуда што го прави трговскиот центар конкурентен и жешка точка за потрошувачи од земјава и странство.

Point Retail Park оваа годишнина ќе ја прослави и под мотото „ПРВ“, поаѓајќи од “прв малопродажен парк од отворен тип“ на двегодишнината ќе се закити и со:

•  ПРВ трговски центар кој летово поставува фотоволтаична централа со која ќе се обезбедуваат над 30% од потребите за електрична енергија на објектот од сопствени обновливи извори на енергија, што ќе го направи нај еколошкиот трговски центар во државата;
• ПРВ трговски центар кој има целосен виртуелен приказ на Google;
• ПРВ трговски центар кој ќе обезбеди 10 стипендии за најдобрите студенти на медицина, економија и ИТ насоките за учебната 2021/2022.

Point Retail Park има тенденција да ја продолжи оваа успешна приказна ширејќи се во повеќе градови.