пред 3 години Глумецот Драган Спасов Дац по десет години врска се венча со својата партнерка Весна. Таа го изненади вчеравечер, на неговиот 59. роденден, и на забавата во кафулето „Трибека“ дојде со вел на главата, бурми и матичар, па го побара Дац за маж. Популарниот глумец се збуни, но не криеше дека е воодушевен и рече дека го прифаќа нејзиниот предлог за брак.
„Ова може само оваа лудача до мене да ми го направи, браво, сега стварно се потресов,“ рече актерот, а видеото од венчавката го објави на Фејсбук.
На видеото кое е направено на свирката на Дац и Александар, точно на полноќ Митевски почнува да пее Happy birthday за да му го честита роденденот на Дац, а во исто време меѓу гостите доаѓа Весна со бурмите и матичарот. Таа со помош на сестрата на Дац, нејзината старосватица и Александар Митевски, тајно ја организирала целата венчавка.
„Синоќа во ‘Трибека’ почна со роденден на Дац, а заврши со венчавка… Еве како изгледаше големото изненадување кое му го приредија пријателите. Благодарност и до нашиот драг другар матичар Роки. Нека им е со среќа на Дац и Весна“, стои во видеото.
Би можело да ве интересира
Георгина му купи Ролс-Ројс на Роналдо за Божиќ
Кристина Димитриевска и диџеј Боно ќе пејат во Лешок пред концертот на Саша Ковачевиќ
Откако се откажа од круната принцезата Мако волонтира во музејот „Метрополитен“ во Њујорк
(Видео) Прекрасната божиќна традиција на навивачите на Бетис, фрлаа плишани мечиња за сиромашните деца
Ни Македонците не би го препознале: Хрватските фанови незадоволни од споменикот на Тоше во Нова Градишка
Македонија ќе учествува на Детската Евровизија во Париз
