Најдобри места за живот со деца

Меѓународниот детски фонд на Обединетите нации, УНИЦЕФ, се обиде да направи листа на најдобрите места за живеење со деца. Овој фонд најмногу се грижи за квалитетот на животот на помладата популација, па нивната анализа ги опфати сите фактори кои можат да влијаат на тоа.

Животот со деца не значи само економска стабилност и треба да се земат предвид повеќе фактори од просечниот семеен приход. Здравјето и среќата на децата, како и квалитетот на образованието и безбедноста се особено важни, наведува Би-Би-Си.

Јапонија
Во анализата на УНИЦЕФ, Јапонија е на прво место, особено поради општото добро здравје на децата. Освен тоа, од останатите е одвоен со голем број урбани зелени површини и безбедност во сообраќајот. Јапонија има и најниска стапка на дебелина кај децата, ниска стапка на смртност и екстремно ниско ниво на загадување на водата или воздухот.

Естонија
Иако Естонија не е на врвот на листата на УНИЦЕФ, таа добива високи оценки за голем број важни аспекти. Децата се изложени на помалку загаден воздух, земјата има повеќе урбани зелени површини од многу други земји, вклучувајќи ги САД, Канада, Австралија и Велика Британија. Естонија има еден од најдобрите образовни системи во Европа, децата имаат подобри вештини за математика, природни науки и описменување од која било друга земја надвор од Азија.

Шпанија
Шпанија е исто така високо рангирана поради нејзината добра политика во однос на загадувањето на воздухот и животната средина. Сепак, иако е оценето лошо во однос на социјалните, образовните и здравствените услуги, според УНИЦЕФ, децата во Шпанија имаат исклучително висока општа благосостојба. Во Шпанија децата се добредојдени насекаде, општествено е прифатливо да се носи дете во ресторани, барови и други места за возрасни. Сосема е нормално на полноќ да се види семејство со мало дете како шета низ улиците.

Холандија
На врвот на листата на УНИЦЕФ е Холандија, која стои особено добро во однос на менталното здравје и практичните вештини на децата. Социјалните и здравствените услуги се многу добро организирани и им даваат голема поддршка на родителите и децата. За тоа говори и податокот дека Холанѓаните имаат најмногу слободни денови во една година, како и најдолго бременост и породилно отсуство. Сето ова им е достапно на граѓаните кои редовно и легално живеат и работат во државата.

Финска
Финска е на петтото место во најновиот извештај на УНИЦЕФ, и има особено високи резултати во две категории. И двете се однесуваат на општата корист на детето, а особено е важен делот како светот влијае на детето. Таа е една од земјите со најдобри перформанси во светот за детската писменост и математички вештини. Покрај тоа, Финска е позната по одличната здравствена грижа за децата и младите.