Филмска локација среде пустина на еден час возење од Доха, го нарекуваат село на духови

На околу час и половина возење од Доха, се наоѓа филмска локација среде пустина на полуостровот Зекреет. Филмскиот град е вештачко село изградено за снимање – верна реплика на бедуинско место кое е целосно напуштено, и прилично морничаво.

Дури и возењето до тоа необично место не е како прошетка во парк. Острите карпи, пустинскиот песок и дините по некое време ќе отстапат место за песочни карпи и карпи со интересни форми, додека не го видите селото на духови во Катар. Во близина речиси и да нема луѓе или автомобили, што го засилува мистичниот ефект. Филмскиот град е изграден за снимањето на арапската ТВ серија Eyaal Al Theeb (Синови на волкот), која зборува за борбата меѓу две арапски племиња.

Филмскиот град не привлекува многу посетители, така што нема гужва и најдобро време за посета е пред стемнување, барем час и половина пред зајдисонце, упатете се назад кон Доха за да избегнете возење по лош пат во мракот. Влезната врата не е отворена, но може да се влезе од страна. Градот со ѕидини е мал, но сепак има главна порта и градски ѕидини со караули на предната страна. Откако ќе се најдете на полуостровот Зекреет, можете да ги истражите неговите фасцинантни пејзажи. Ако се одлучите на такво патување, понесете доволно вода, а корисно е да знаете дека чипсот, водата и соковите се продаваат во мала продавница во градот, што е добро да се знае ако станете жедни.