Синот на Ван Хојдонк пред потпис со стариот клуб на неговиот татко, Нотингем

Името на Пјер ван Хојдонк уште се почитува во Нотингем форест, откако во 1998 година ги внесе во Премиер лигата, така што не зачудува што неговиот син, 20-годишниот Сидни ван Хојдонк е поврзуван со трансфер во сегашниот англиски второлигаш.

Сидни ван Хојдонк одби да го продолжи договорот со холандскиот клуб Бреда, и веќе во јануари може да замине со слободен трансфер, со Нотингем како први фаворити, заедно со уште два клуба од Чемпионшип, Шефилд венсдеј и Свонси.

Сидни има 8 гола и 2 асистенции во холандската втора лига оваа сезона, а вкупно има 15 гола во 22 старта за Бреда, клубот од кој произлезе и неговиот татко.

Ван Хојдонк постигна 28 гола во 42 меча за Нотингем да ги врати во Премиер лигата во 1997/98, меѓутоа потоа штрајкуваше на крајот на сезоната откако клубот одби да го продаде и покрај тоа што тој се договорил за таков трансфер. Тој се врати во игра во 1998/99, но не успеа да помогне клубот да се врати во втората лига, и оттогаш не се вратија во елитата. Потоа тој го освои УЕФА купот со Феенорд и две титули во Турција со Фенербахче.