пред 4 години Претседателот Стево Пендаровски денеска го прими Зеф Мази, главен преговарач на Република Албанија со Европската Унија.
На средбата беа разменети мислења и информации за перспективите за скорешно одржување на меѓувладината конференција за двете држави и формалниот почеток на пристапните преговори на Република Северна Македонија и на Албанија со Европската Унија.
Претседателот Пендаровски оцени дека посетата е добра можност за размена на мислења за прашања на техничко и на политичко ниво врзани со преговарачкиот процес, како и за отворање на перспективи за идна соработка на тој план.
На средбата претседателот Пендаровски го поздрави напредокот на Албанија во клучните области за ЕУ-интеграцијата.
Претседателот Пендаровски изрази уверување дека почетокот на преговорите за членство на Северна Македонија и на Албанија позитивно ќе се одрази на стабилноста и просперитетот на целиот регион и изрази очекување дека примената на новата методологија за водење преговори ќе донесе олеснување на процесот на водење на пристапните преговори.