пред 3 години Утре ќе бидат донесени првите двајца од седумте преживеани во автобуската несреќа во Бугарија. Тие прво ќе бидат сместени на скопските клиники, соопшти министерот за надворешни работи Бујар Османи. Тој нагласи дека сите се во добра здравствена состојба.
В недела (28 ноември) ќе бидат префрлени уште двајца од повредените, други двајца на 30 ноември, а последниот преживеан ќе биде префрлен на 1 декември.
Српскиот државјанин, кој е меѓу преживеаните, ќе биде пренесен во Србија.
За пренесување на посмртните останки на 45-те загинати, пак, во Владата е формирана работна група во која, покрај Османи, се и министерката за труд и социјална работа Јагода Шахпаска, министерот за здравство Венко Филипче и министерот за транспорт и врски Благој Бочварски.
Османи рече дека се очекува процедурите на идентификација на телата да завршат наредната недела и првичните најави се дека тие ќе бидат готови кон вторник или среда.
Би можело да ве интересира
Утре седница на Советот за безбедност
Полициски службеници откриле 27 мигранти од Авганистан
197 санкционирани возачи во Скопје, 49 во алкохолизирана состојба
„Глас за Македонија“: Бараме разрешување на министерот Филипче во следните 24 часа!
(Видео) Заев: Петтиот пакет мерки е наменет за најпогодените
До 15 часот во Штип гласале 23.03 % гласачи, а во Пласница 33.47 %
