Иванишевиќ не е тренер на годината, Ѓоковиќ „удри“ по АТП

Новак Ѓоковиќ не пропушти да реагира на одлуката на АТП, наградата „тренер на годината“ да им ја додели на менторите на Италијанецот Јаник Синер.

Во најтесната конкуренција беше и Горан Иванишевиќ, тренерот на Ѓоковиќ, но на крајот остана без престижната награда.

Дарен Кејхил и Симоне Вањози ја добија награда, а во конкуренција уште беа Горан Иванишевиќ, тренерот на Новак Ѓоковиќ, Хуан Карлос Фереро, тренерот на Карлос Алкараз и Брајан Шелтон, тренерот на Бен Шелтон.

Новак на својот Инстаграм профил им честиташе на победниците, а во истата порака имаше што да каже за одлуката на оние кои ја донесоа.

„Им честитам на Дарен и Симоне за одличната сезона со Јаник“, напиша Ѓоковиќ.

Со порака за Горан ги „пецна“ оние кои ја донесоа оваа одлука.

„Горан, претпоставувам дека треба да освоиме четири од четири Грен слемови, за да бидеме во потесниот избор за наградата за тренер на одината. Годината ја завршивме на бројот еден, освоивме три Гренд слема, го освоивме Завршнио мастерс… Пишувањето историја не е доволно, драг мој тренеру“.