На „Табановце“ се чека повеќе од еден час за излез од државата

Поради зголемена фреквенција на возила, на Граничниот премин „Табановце“ времето на чекање за излез од државата е повеќе од еден час.

На останатите гранични премини, од македонска страна, во моментот нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.