Филипче: Навреме ги подготвуваме болниците за можен нов бран

Министерот за здравство, Венко Филипче, преку социјалните мрежи соопшти дека утрово одржал координација со директорите на Клиниките во Скопје, директорот на Клиничката болница во Тетово и Институтот за белодробни заболувања Козле.

„Навремено ги поставуваме здравствените ресурси и разговаравме за предизвиците со кои може да се соочиме со новиот бран. Системот се организира, болниците ги подготвуваме за сите можни сценарија – лекување на ковид-пациенти, но истовремено да продолжи да тече редовниот програм за итните случаи и пациенти со малигни заболувања како и ротации на персоналот“, посочи министерот.

Тој нагласува дека во болниците веќе се чуствува притисок за хоспитализации и критични се неколку градови.