Буфон: Последните две години беа тешки, но мислам дека добро се справив

Џанлуиџи Буфон признава дека последните две сезони со Јувентус беа вистински тест за него, но смета дека го поминал брилијантно. 43-годишниот ветеран го крена трофејот од Копа Италија оваа недела и се подготвува за последниот меч со „бјанконерите“ откако потврди дека заминвуа на крајот на сезоната.

„Сигурен сум дека на Јувентус му дадов максимална професионалност, сериозност и постојаност. Мислам дека бев доверлив како личност. Последните две години, освен тоа што не бев во централна позиција, не беа лесни. На 43 години се чувствувам како маж и треба да се однесувам како маж, а не како момче. Имав прекрасни односи со сите во клубот и мислам дека тестот го поминав брилијантно“, вели Буфон, кој уште не потврдува дали ќе се пензионира по шпекулациите кои го поврзуваат со второлигашот Монца.