пред 4 години Баерн Минхен стигна до 2:0 победа над Баер Леверкузен за да се доближи на чекор до својата 31. титула од Бундеслигата и деветта едноподруго, откако претходно Лајпциг загуби кај Келн и разликата сега е 10 поени на само четири кола до крајот на шампионатот.
И покрај елиминацијата од Лигата на шампионите и несигурноста околу тренерската позиција по желбата на Ханси Флик да замине на крајот на сезоната, Баварците повторно доминираа во Германија и победникот на „Алијанц арената“ го решија во првите 15 минути од мечот.
Ерик-Максим Чупо-Мотинг стрелаше во седмата минута, за Џошуа Кимих веќе во 13. минута да го постави конечниот резултат.
Ајнтрахт Франкфурт, пак, се искачи на третото место на табелата и си ги зголеми шансите за Лига на шампиони следната сезона, откако со 2:0 го совладаа Аугзбург со головите на Хинтерегер и Андре Силва. Арминија Билефелд со 1:0 го победи „фенерџијата“ Шалке за да избега на четири поени од зоната за испаѓање.
БУНДЕСЛИГА, 30.КОЛО
Баерн Минхен – Баер Леверкузен 2:0
Арминија Билефелд – Шалке 1:0
Ајнтрахт Франкфурт – Аугзбург 2:0
Би можело да ве интересира
(Видео) Јокиќ им ја уништи историската ноќ на Нуркиќ и Дурент
Валтер очекува Еурофарм Пелистер да го подобри нивото на дуелот со Фуксе Берлин
Финале на Копа Америка – Аргентина или Бразил – Меси или Нејмар?
Арсенал земаа кредит од 120 милиони фунти, па купија играч од 540.000 фунти
Бускетс нема да игра против Атлетико
Азар ќе патува со тимот во Менхенгладбах
