Ихеаначо со „магија“ им донесе победа на Лестер, сега се на чекор до место во ЛШ

Лестер направи фантастичен пресврт во второто полувреме за да стигне до 2:1 победа над Кристал палас, освојувајќи три поени кои ги носат на чекор од обезбедување на топ 4 пласман и место во Лигата на шампионите.

Најдобриот фудбалер на клубот од Лондон, Вилфрид Заха ги донесе гостите во водство во 12. минута од мечот, и тимот на Брендан Роџерс, по два порази во последните три кола, добро се испоти во второто полувреме за да стигне до трите поени. Тимоти Кастањ во 50. минута погоди по асистенција на Келечи Ихеаначо, пред Нигериецот да го реши победникот во 80. минута од мечот со прекрасен удар. Ова е 14. гол во 14 меча во Премиер лигата на Ихеаначо.

Лестер остануваат трети, но сега со 62 поени, четири помалку од второпласираниот Манчестер јунајтед, но и четири пред Челси на четвртото место, додека петтите Вест хем веќе се на далечина од седум поени. Палас се на 13. место со 38 поени.