пред 1 година Холандија беше апсолутно супериорна и ја победи Македонија со 3:0 (25:19, 25:19, 25:16) во четвртото коло на Европското првенство во Скопје, покажувајќи дека се една од репрезентациите кои ќе одат на злато на континенталниот шампионат.
Предводени од капитенот Нимир Абдел-Азиз, Холанѓаните беа супериорни на блок, и лесно освојуваа поени за да голема победа. На почетокот на првиот сет, македонските одбојкари беа израмнети и имаа 10:9 предност, пред Холандија да направи пресврт и да поведе со три поени разлика (14:11) и лесно да поведе со 1:0.
Во вториот сет, Холандија беше уште подобра, поведувајќи со 4:1, и одржувајќи ја предноста, додека тимот на Јошко Миленковски правеше премногу грешки. И во последниот сет, холандските одбојкари го контролираа мечот, а малкуте добри потези на нашите одбојкари не успеаја да донесат резултат.
Абдел-Азиз заврши со 15 поени за Холанѓаните, додека Александар Љафтов со 14 беше најдобар во нашата репрезентација.
Веќе утре, македонските одбојкари ги чека уште еден тест, дуелот со Чешка, по кој ќе се знае конечниот пласман во групата Ц.
Фото: ЦЕВ
Би можело да ве интересира
Фенербахче и Олимпијакос славеа по продолженија во Евролигата
Коло Муани побара од Ајнтрахт да го продаде во Пари Сен Жермен
Луис Суарез пак спасител на Атлетико кај Хетафе
Надежите земаа бод против Србите во Охрид – Денковски одбрани пенал
Да ги извлечеме Реал или Јуве, имаат убави химни
Колхоф и Мектиќ својата прва титула ја освоија на АТП финалето!
