пред 3 години Севернокорејскиот лидер Ким Џонг Ун му се заблагодари на јужнокорејскиот претседател во заминување Мун Џае-ин за неговите напори да ги подобри односите меѓу двете земји, објавија денеска официјалните севернокорејски медиуми.
Ким и Мун ги споделија ставовите дека меѓукорејските односи ќе се подобрат и ќе се развиваат според желбите и очекувањата на корејската нација доколку Северот и Југот вложат неуморни напори и надеж, наведуваат агенциите.
Претседателството во Сеул потврди дека двајцата лидери размениле пријателски писма, но не се дадени детали.
Неочекуваниот гест доаѓа во време кога Сеул и неговите сојузници се сомневаат дека Пјонгјанг се подготвува да продолжи со нуклеарните тестови.
Наследникот на Мун Џае-ин, Јун Сук-џеол, ја презема функцијата на 10 мај. Тој вети дека ќе заземе цврст став кон Пјонгјанг.
Претседателот на Јужна Кореја во заминување трипати се сретна со Ким Џонг Ун и придонесе за разговорите меѓу севернокорејскиот лидер и тогашниот претседател на САД, Доналд Трамп.
Би можело да ве интересира
Хамас објави дека 10-месечното бебе кое беше држено како заложник загинало во израелски напад
Италија забрани вештачко месо: Доста ни е од оваа зелена глупост
Руската православна црква ги нарече грешници луѓето кои не сакаат да се вакцинираат
(Видео) Пукање пред Конгресот на САД, вработените се предупредени да не ја напуштаат зградата
Петнаесет години од првиот твит, порака вредна 2,5 милиони долари
Поранешен кинески функционер осуден на смрт поради барање и примање мито
