пред 3 години Последниот работен ден пред заклучувањето во Австрија, на трговијата и донесе зголемен промет од 15 отсто во просек, анализираат упатените.
Фреквенцијата на клиенти беше зголемена за околу 10 отсто во однос на истиот ден во 2019 година, соопшти Здружението на трговци на Австрија.
Зголемениот број на клиенти беше забележлив во сите продавници, но тој беше поголем на запад отколку на исток од Австрија.
На западот од земјата на повеќе места се чекаа редици пред продавниците.
Во Виена, протестите против ковид-мерките го погодија бизнисот во центарот на градот и на познатата шопинг улица „Маријахилферштрасе“.
„Последниот ден од работењето на продавниците пред заклучувањето беше добар за многумина. Но, тој никако не може да ги надомести загубите во периодот на заклучување“, истакна претседателот на Здружението, Рајнер Вил.
Што се однесува до месец ноември, бизнисот на трговците во Австрија, поради карантинот за невакцинираните, веќе е намален за 25 проценти.
Би можело да ве интересира
Украина: „Правиме се за да ги спасиме преостанатите војници од Азовстал“
Орбан: Ако ви требаат мигрантите земете ги, но да знаете со себе носат разни вируси
Американците мора да си заминат на време, порача талибански лидер
Три тони кокаин и 11,3 милиони евра во готовина, заплени полицијата во близина на Амстердам
И натаму нема трага од паднатиот авион во БиХ, во него биле Србин и Романка
Во Хрватска 2.769 нови случаи на коронавирус
