Фон дер Лајен и Пахор: Иднината на Западен Балкан е во ЕУ

Претседателката на Европската комисија, Урсула фон дер Лајен, се состана со претседателот на Словенија, Борут Пахор, во рамките на претстојното словенечко претседателство со ЕУ.

„Се согласивме дека иднината на Западен Балкан е во ЕУ и дека сакаме да направиме напредок по тоа прашање“, напиша Фон дер Лајен на „Твитер“.

Good meeting with @BorutPahor ahead of the ?? presidency.

A crucial presidency, as national recovery plans should be approved fast so #NextGenerationEU funds start flowing as of this summer.

We agree that the future of the Western Balkans is ?? and we want to make progress. pic.twitter.com/9sh7IJctV9

— Ursula von der Leyen (@vonderleyen) June 4, 2021

Претседателката на ЕК вели дека словенечкото претседателство ќе има важна улога во закрепнувањето и издржливоста на ЕУ по пандемијата и силниот удар што и го нанесе на ЕУ-економијата.

„Сега е време за поправка, инвестиции и реформи“, додаде Лајен.

Таа му се заблагодари на словенечкиот претседател Борут Пахор за заложбата за поголемо единство во ЕУ и посветеноста на разговорите за иднината на Унијата.