Алексеј Навални се жали на тортура во затворот

Руските опозиционер Алексеј Навални ги обвини затворските чувари дека го лишиле од сон, пренесуваат светските медиуми. Навални се жалел на руските безбедносни служби, објавено е денес на неговиот сајт.

„Чуварите ме лишуваат од сон, тоа е фактички прибегување кон тортура“, напишал тој и додал дека чуварите го буделе во текот на ноќта осум пати.

Во другото официјално барање, упатено до затворската администрација и генералното обвинителство, Навални, кој минатиот август претрпе обид за труење со нервен агенс, бара лекување, додека неговите приврзаници тврдат дека неговата здравствена состојба се влошува.

Неговата адвокатка, Олга Михајлова, изјавила во четвртокот дека Навални имал силни болки во грбот и десната нога и додала дека се плашел за неговиот живот и здравјето на нејзиниот клиент.

Михалова изјавила дека Навални засега примал само антифламаторни лекови и добил некои масти. Таа додала дека залудно четири недели се обидувала на својот клиент да му донесе нормални лекови и да го прегледа лекар кој не е ангажиран од затворот.

Навални се наоѓа во казнената колонија во Покров, околу 100 километри источно од Москва, каде издржува затворска казна од 2,5 години.