Шинејд О’Конор објави дека починал 17-годишниот син: Мојот убав син, реши да стави крај на својата земна борба

Кантавторката Шинејд О’Конор објави на Твитер дека починал нејзиниот 17-годишен син Шејн.

„Мојот убав син, светлината на мојот живот, реши да стави крај на својата земна борба и сега е со Бога. Нека почива во мир и никој да не го следи неговиот пример. Драг мој. Те сакам многу“, напиша Шинејд на социјални медиуми.

My beautiful son, Nevi’im Nesta Ali Shane O’Connor, the very light of my life, decided to end his earthly struggle today and is now with God. May he rest in peace and may no one follow his example. My baby. I love you so much. Please be at peace:

— Sinead The 1 And Only (@OhSineady) January 8, 2022

Шејн исчезна во четвртокот, а полицијата веднаш почна да трга по него. Тој последен пат бил виден во населбата Талахт во јужен Даблин, а полицијата во саботата објави дека потрагата е прекината, пренесува „Дејли Мејл“.

„По откривањето на телото во Бреј во Виклоу во петокот на 7 јануари, истрагата за исчезнатиот 17-годишен Шејн О’Конор беше прекината“, изјави портпаролот на полицијата, пренесе „The Sun“.

Шинејд има уште три деца, синот Џејк Рејнолдс (34), ќерките Роисин (25) и Јешу (15).