пред 4 години Монголската влада пратила писмо до ФИА и до иницијативата против расизмот „Се тркаме како еден“ откако ѕвездата на Ред бул, Макс Ферстапен не беше казнет за користење на зборот „Монгол“ како навреда.
Ферстапен се судри со Ленс Строл во Рејсинг поинт на вториот тренинг пред Португалското ГП минатиот викенд по што преку радиото го нарече Канаѓанецот „Монгол“ и „ретард“. Тој прво одговори дека не е негов проблем ако некој се чувствува навреден, но подоцна се извини за користењето на овие зборови.
Амбасадорот на Монголија во Обединетите Нации, Лундег Пуревсурен со писмо побара казна за Холанѓанецот.
„Жалиме за користење на расистички и неетички јазик во јавноста од страна на возачот на Ред бул, Макс Ферстапен на 23 октомври 2020. Спортот треба да биде симбол на единство во целиот свет и не е потребна расна дискриминација. Сигурен сум дека ФИА ќе направи нешто да се казни Макс Ферстапен за неговото неприфатливо однесување и користење на неприкладен јазик кон етничките групи“, се вели во писмото на Пуревсурен.
Според советникот на Ред бул, Хелмут Марко, работата е решена „внатре во тимот“ и Ферстапен нема да го повтори своето однесување.
„Му кажавме на Макс дека такво нешто е недозволиво во иднината. Дефинитивно“, изјави Марко.
Ферстапен VS Строл: Каков е.ан слепец, вистински ретард и Монгол!
Би можело да ве интересира
Луди квалификации во Канада – Ферстапен прв, Хулкенберг втор
Њукасл биле сериозно заинтересирани за Џеко
Неуништливата Италија е европски одбојкарски шампион
Боксот без ракавици е брутален, но полската „Громда“ е нешто навистина посебно!
Ковачиќ ќе го пропушти полу-финалето во ФА купот
Мегвајр му одговори на Рој Кин: Немаме никакви проблеми!
